Oslo Nepali Church युवा संगति द्वारा Geilo मा आशिषमय हिउँदे शिविर सम्पन्न

ओस्लो, नर्वे | १६–१८ फेब्रुअरी २०२६

कृतज्ञ हृदय र आनन्दित आत्माका साथ Oslo Nepali Church का युवा संगतिले १६ देखि १८ फेब्रुअरी २०२६ सम्म Geilo मा आशिषमय हिउँदे आत्मिक शिविर सम्पन्न गरेका छन्। परमेश्वरको सुन्दर सृष्टिको बीचमा आयोजित यो शिविर आत्मिक जागृति, एकता, संगति र आनन्दमय सहयात्राको विशेष समय बन्यो।

शिविरको सफल नेतृत्व दानियल वाइबाले गर्नुभएको थियो। उक्त कार्यक्रममा सोहेल थापा, डेभिड खाति, प्राप्ति मगर, प्रसन्न मगर, बिबेक मगर तथा शाइन बराल सक्रिय रूपमा सहभागी भएका थिए।

पहिलो दिन – आगमन र आत्मिक संगति (१६ फेब्रुअरी)

युवा टोली ओस्लोबाट प्रस्थान गरी सुरक्षित रूपमा Geilo पुगेपछि प्रार्थना र धन्यवादका साथ शिविरको सुरुवात गरियो। बसोबास मिलाएपछि सबैले एकसाथ बाइबल अध्ययन, आत्मिक छलफल तथा सामूहिक प्रार्थनामा सहभागी भए।

पहिलो दिनका मुख्य कार्यक्रमहरू:

* पवित्र बाइबल अध्ययन र आत्मिक मनन

* सामूहिक प्रार्थना र उत्साह

* आनन्दमय खेलकुद तथा संगति

* मिलेर खाना पकाउने र बाँडेर खाने समय

साँझको समयमा गहिरो आत्मिक कुराकानी, हाँसो–खुसी र भाइचारा बढाउने अवसर मिल्यो। प्रभुमा एक-अर्कासँगको सम्बन्ध अझ मजबुत भयो।

दोस्रो दिन – भक्ति, प्रार्थना र हिउँदे साहसिक अनुभव (१७ फेब्रुअरी)

दोस्रो दिन बिहान भक्ति आराधनाबाट सुरु भयो। बाइबल वाचन र प्रार्थनाको समय आत्मिक रूपमा अत्यन्त शक्तिशाली रह्यो। युवाहरूले एक-अर्काका लागि प्रार्थना गर्दै प्रभुको उपस्थितिमा समय बिताए।

दिउँसो भोजनपछि टोली Geilo को हिउँ पार्कतर्फ प्रस्थान गर्यो, जहाँ:

* स्कीइङ

* स्नोबोर्डिङ

जस्ता गतिविधिहरूमा सबैले उत्साहका साथ सहभागिता जनाए। हिउँले ढाकिएको प्रकृतिको बीचमा परमेश्वरको सृष्टिको महानता अनुभव गर्दै अविस्मरणीय सम्झनाहरू सँगाले।

साँझ फेरि बाइबल अध्ययन, प्रार्थना र आत्मिक संगतिमा समय बिताइयो। दिनभरिका आशिषहरूको लागि धन्यवाद प्रकट गर्दै दिनको समापन गरियो।

तेस्रो दिन – सेवा भावना र सुरक्षित फर्किनु (१८ फेब्रुअरी)

अन्तिम दिन बिहान सबै युवाहरूले मिलेर बसोबास गरिएको घर सफा गरे। यसले सेवा भावना, जिम्मेवारी र एकताको उत्कृष्ट उदाहरण प्रस्तुत गर्यो। त्यसपछि पास्टर जीवनज्यूले टोलीलाई भेटी यात्रा सुरक्षाका लागि विशेष प्रार्थना गर्नुभयो।